Manika Batra aro G Sathiyan pora career-best ranking jetise

Agencies, 04 November: Sunday din International Table Tennis Federation (ITTF) pora sobse notun chart ola deh top Indian paddlers Manika Batra aro G Sathiyan toh tai jun laga career-best world rankings deh jetise. Commonweight Games deh single gold jeta first Indian maike Manika toh tuita jaga pora othi kena World No. 53 deh ase. 23 sal Arjuna awardee  pora Commonwealth Games deh tuita gold, ekta silver aro ekta bronze jeta thakise aro tai Sharath logode partnership kori kena Asian Games laga mixed doubles event deh bronze jeta thakise. Tai toh ekala India ase top 100 jaga deh thaga. Sathiyan be ekta jaga pora othi kena World No 35 jaga deh ase. Tai Commonwealth Games deh tinta medal jeta thakise aro Asian Games deh ekta bronze jeta thakise. Commonwealth Games deh team gold jeta aro 18^th Aisan Games laga men’s doubles aro singles deh silver aro bronze jeta Achanta Sharath Kamal be 31^st jaga deh ase. Tai toh India laga rank list majode sobse besi rank wala ase.