Delhi Dynamos aro Jamshedpur draw hoise

Agencies, 04 November: Sunday din Jawaharlal Nehru Stadium jaga deh Delhi Dynamos aro Jamshedpur Indian Super League (ISL) khela thakise. Etu time deh tuita team be 2-2 score pora draw howah thakise. Delhi Dynamos nemide Lallianzuala Chhangte aro Adria Carmona pora 55^th aro 58^th minute time deh goal thala thakise. Jamshedpur nemide Sergio Cidoncha aro Jose Luis Espinosa Arroyo pora 39^th aro 72^nd minute time deh goal thala thakise. Saturday din eki stadium jaga deh Chennaiyin FC aro Mumbai City khela thakise. Etu time deh Mumbai City 1-0 score pora jeta thakise. Delhi Dynamos toh next Goa logode khelibole ase aro Jamshedpur toh Pune City logode khelibole ase. Monday deh Kerala Blaster aro Bengaluru FC toh 7:30 pm time deh khelibole ase.