May 4, 2024: Congress leader Rahul Gandhi para JD(S) leader Prajwal Revanna laka sex scandal upor deh letter ekta liki shae, Karnataka laka chief minister Siddaramariah keh. Rahul Gandhi para Siddaramaiah keh request kuri shae, victims kan keh sob support di b kui nah aro manu kan kun enaka nishi nah crime kuri shae, taikan laka against strict action lu b kui shae.
“Mui apni keh request kuri ase, victims keh para tak sob support di b kui nah. Mukan laka hath deh collective duty ase, sob parties kan kun etu nishi nah heinous crime karne responsible ase, taikeh keh book deh ani bole,” Rahul Gandhi para taila letter deh liki shae.
“Prajwal Revanna para bishi sal karne ekso laka upor maike kan keh sexually assault kuri shae aro film kuri shae. Manu kan kun taike look up kuri taki shae, bai aro bacha nishi nah, taikan keh sobse bia manner para brutalized kuri shae aro taikan laka dignity para rob kuri shae,” tai para kui shae.
Wayanad MP para Prime Minister Narendra Modi aro home minister Amit Shah keh b slam kuri shae. “December 2023 sal para, Shri G. Devaraje Gowda para Shri Amit Shah keh Prajwal Revanna laka antecedents kan janai di shae, especially taila sexual violence laka history deh. Etu jana tho mui bishi shock deh ase. Aro ki shocking ase koile tho, enaka bia allegation kan senior most BJP leadership laka agae deh ahi nah b, Prime Minister para ekta mass rapist karne campaign aro canvass kuri shae,” letter para kui shae.
