May 2024: Egypt deh kotha kan hui ase, truce proposal ekta seal kuri shae kuto militants kan para endorsed kuri ase. Etu laka agae deh Israel kan para Tuesday din, Rafah laka jaka deh strikes kan launch kuri shae rati deh. Etu strikes kan tho Hamas kan keh “pressure” dibo karne kura ase.
Israel kan bishi hapta karne southern border town deh push kuri bo kui nah kwa piche deh, Israel kan Palestinians kan keh “expanded humanitarian jaka” karne ja b kui shae, ekta ground incursion nahua time deh. Taikan para etu message tho Monday din deh kui shae.
City deh taka ekta AFP correspondent para rati deh heavy bombardment kan ahi shae kui shae report kuri shae. Tuesday din, tateh laka Kuwaiti hospital para Israeli strikes deh pastha manu muri jai shae kui shae aro alak manu kan bishi jokom kai shae kui shae.
Ekta agreement bana bole kotha kan kuri taki shae, hoile b bhal result ani bole para nai. Etu hua piche deh Hamas kan para taikan, mediators Egypt aro Qatar keh janai di shae kui shae. Taikan laka proposal, kuto ceasefire karne taki shae, etu deh acha kui shae kui nah. Etu hua tho Rafah laka rasta deh manu kan cheer kura shuru hui shae. Ekta senior Palestinian para BBC Keh Hamas kan “hostile activity” tho hotai karne kotom kuri bole ready ase kui shae, conditions mili bole pari leh.
Piche deh Prime Minister Netanyahu laka office para ekta statement deh etu kui shae,” Proposal kuto Hamas kan para di shae, etu tho Israel laka basic requirement lokot deh durr taki leh b, Israel kan mediators laka delegation pata bo. Israel para accept kuri bole laka conditions pitor deh agreement punchi bo karne.”
Add Comment