Ekta bottle, Djokovic laka matha pichae deh ahi nah lakai di shae

May 13, 2024: Saturday din deh, Djokovic, tai autographs kan sign kura time deh ekta water bottle taila matah pichae deh ahi nah lakai di shae taike. Etu incident tho, tai Rome Open laka second round deh jita piche deh hui shae. Etu hua piche deh Novak Djokovic para tai tho bhal heh ase kui shar aro kili bole ready ase kui shae. World number one Djockovic, tai Foro Italico laka centre court deh fans kan keh greet kura time deh, bottle ekta ahi nah taike lakai di shae. Etu hua tho tai mati deh buhi jai shae. “Apni kan laka jinta karne thank you. Etu tho accident ekta taki shae aro mui hotel ekta deh rest kuri ase,ekta ice pack lokot deh. See you on Sunday,” Djokovic para Saturday din, X deh liki shae. 36 sal laka Djokovic tho Italian capital deh winning start para shuru hui shae. Tai, France laka Corentin Moutet keh 6-3, 6-1 keh harai nah third round deh advance kuri shae Tai itia Chile laka Alejandro Tabilo keh face kuri bole ase. Serb tho French open Grand Slam karne warm up kuri ase. Taila six title deh add kuri bole ekta bhal chance ase, kuto khali Rafael Nadal heh 10 laka upor jiti shae.