Rafael Nadal, Hubert Hurkacz laka hath para giri shae

May 13, 2024: Saturday din deh, Rafael Nadal, tai second round deh Rome Open para knockout hui shae. Tai Poland laka Hubert Hurkacz laka against 6-1, 6-3 hari shae. Nadal, Tai seventh seed Hurkacz laka against hara tho, manu kan keh doubt di ase, tai aha French Open deh kili bole ase nah nai kui nah. Tai French Open deh ekta record 14 titles jiti nah ase. Nadan para tai, Roland Garros deh khali competitive feel taki leh heh kili bo kui shae, last tui sal deh jokom kan bishi kah piche deh. Taila jokom karne bhal nakilah tho, world rankings deh 305^th tak giri nah ase.  Aro taila eliminations tho 27 sal laka Hurkacz laka hath para pai shae. Etu tho taijun laka first ever encounter taki shae. Tai Madrid deh last 16 tak punchi deh enaka hara tho tai karne ekta stepback taki shae. Nadal, tai first set deh first tuita games tho bhal para kili bo pari shae, hoile b errors kan bana tho Hurkacz keh points dia shuru hui shae. Hurkacz, kun ekta b service game girai dia nai, tai second set laka third game deh Nadal keh bangai di dia tho match kotom hua nishi nah heh taki shae. Hurkacz, tai itia third round deh Tomas Etcheverry keh face kuri bole ase.