Aman Sehrawat, men’s wrestling deh first Paris Olympic quota earn kuri shae

May 13, 2024: Aman Sehrawat, tai World Olympic qualifier deh, India laka first Paris Olympic quota jiti nah, interminable wait tho kotom kuri di shae men’s freestyle wrestlers karne. World Olympic qualifier tho Istanbul deh taki shae aro tai Saturday din deh jiti ase. All Asian Games medalist, Aman, taila sob bouts aram she jiti nah style para kuri shae aro Asian Games silver medalist, South Korea laka Chongsong Han keh 12-2 harai nah quota jaka tho seal kuri lui shae, semi-final deh. Etu para Tokyo Olympic Silver medalist Ravi Dahiya keh b ekta lifeline dibo, kun eki weight class deh compete kuri ase. Olympic quota tho country keh belong kureh aro Aman, ghor deh selection trails tho jiti bo lakeh, Paris deh jab oleh. Sujeet Kalkal b semi-final deh punchi bole bhal form dikai shae, hoile b Mongolia laka Tomor-Ochiryn Tulga laka against hari shae. Hoile b, 22 sal laka Sujeet, kun Tokyo Olympics bornze medalllist Bajrang Punia laka weight category (65kg) deh compete kureh, tai Paris quota karne aro ekta chance pabo, Sunday din laka repechage deh. Jua mohina, Sujeet, tai Asian qualifiers karne punchi bole para nai. Tai Deepak Punia lokot deh hari nah taki shae flood hua Dubai airport deh. Aman tho solid taki shae. Asian Championships gold medalist, tai Gerogi Vangelov aro Ukraine laka Andril Yatsenko laka against bouts tho aram shae jiti nah jai shae, quarter finals deh punchi bole.