May 14, 2024 : Rengma Hoho (RH) para itu Tseminyu Town laga sob citizen khan ke appeal kurishey, itu integrity aru fairness ke uphold kuri kena thakiboley koishey, itu upcoming Urban Local Body (ULB) election khan tey.
Ekta press release tey, RH laga president – Er. Tesinlo Semy para aru general secretary – Shatilo Kent para itu Rengma manu khan ke urge kurishey, transcend kuriboley narrow division karney, clannism, groupism, aru regionalism, aru itu khan nahoi kena, manu khan ke elect kuriboley koishey kun khan toh capable, Honest aru righteous asey, itu progress nimitey aru Rengma society laga upliftment nimitey.
Aru bhi RH para sob ciandidate khan ke implore kurishey, free aru fair election khan tey aru malpractice, booth capturing, nahoilebi violence laga tey para durr thakiboley koishey, kuntu toh hoiley itu voting laga process ke disrupt kurey.
Itu hoho para itu colony laga general public khan ke, Ward GB khan aru leaders khan ke ensure kuriboley koishey, ki, tai khan laga respective colony/ ward khan tey, shanti para pol khan witness kuriboley. RH para sob ke mati asey ekta conductive environment banaboley, peaceful para voting kuriboley aru ensure kuriboley karney ki, polling toh hoiley tatey eku jhamela nahoi kena bhal para jaboley.
Add Comment