Nagaland Chief Minister Neiphiu Rio pora 5th November 2018 te Sob Government Schools laga GPS Mapping aro Personnel Location System (PLS) kan kholidese. Etubi School Education Department pora Computerization aro Digitization hisabte ahkete luijabole kura laga naam pora. Etu Department kan ke Chief Minister pora salam diya janaide kena etu Department ke Visitors’ Book kan toh sob schools te rakhibole kuribi. Kele etu porahi Visiting aro Inspecting Officials aro Dignitaries kan tai kan schools laga visits aro inspections report kan toh thik pora lekhe rakha huijabole karne koi kena. Aro etu pora MLAs kan ke bi etu khobor thuribai kena aro janibai kena ahkete luijabole karne thik pora hisab kura ekta huijabo koi kena.
Edia dak toh etu GPS aro PLS Information toh http://.dose-ngl.com te online pora jai kena sabole bari. Aro etu ke GPS kan sob schools nemite Google Maps te lakaide kena ase. Aro etu kebi tusera ki-ki khobor kan kobi enrolment, facilities kan kobi classrooms, power & water mela-mele kurikena thaka, playground, toilets aro tusera kan bi dekhaide kena ase koise. Etu oporte Teaching aro non-teaching staff kan alak-alak schools te anede kena thaka, Department pora physical verification toh sob staff nemite kuride kena thaka kan bi ase janaide kena ase koise. Aro etu nesena khobor kan janaide kena thaka toh ami kan desh majutte ahke wala ase koise. Aro etu nesena khobor kan sob debole thaka kan toh thik pora dede kena ase na nai etu kan thik pora sabole kuribi aro etu thik nathaka nemite comment module pora janaidebole bari koi kena etu Department pora janai kena ase koise.
Add Comment