Sah isap deh Russia offensive tho northeast Ukraine deh uthai di bo: Zelensky

May 19, 2024: Ukrainian President Volodymyr Zelensky para tai tho, Russia laka offensive thp northeast Ukraine deh uthai di bo kui nah expect kuri ase kui shae. Tai para aro front lines hold kuri bo karne, Kyiv lokot deh khali olop heh air defense ase kui nah warning di shae. Tai para etu tho AFP laka ekta exclusive interview deh kui shae. Russian forces, kun kan recent mohina deh olop heh advances kan banai shae, taikan May 10 din deh, Kharkiv laka jaka deh ekta assault launch kuri sha. Etu hamla para taikan keh itia tho sobse bortha territorial gains di shae. Zelensky para Ukrainian forces kan Russian troops keh naru ka time deh, Russian kan tho northeastern border deh 5 to 10 kilometers advance kuri bole pari shae kui shae.  Hoile b etu tho khali “first wave” taki o pareh kui nah warning di shae.  “Etu tho Russia karne ekta dangor success ase kui nah kubo napari bo, hoile b mukan sober hobo lageh aro buji bo lakeh, dushman kan mukan laka territory pitor deh jai ase kui nah,” tai para kui shae. Zelensky para Kharkiv deh taka situation tho control kuri di shae kui shae hoile b stabilized hua nai kui shae.