Afghanistan deh shooting hua tho teentha Spaniards muri jai shae

May 19, 2024: Central Afghanistan deh ekta gunmen goli mara time deh, teentha Spanish citizen aro teentha Afghans keh murai di shae, Taliban aro Spanish officials para Saturday din deh kui shae. Officials para agae deg chartha manu muri jai shae kui shae. Kun b Friday evening laka hamla karne responsibility claim kura nai. Bamiyan province deh satha suspects keh arrest kuri di shae aro investigation kuri ase, Abdaul Mateen Qani, interior minister laka ekta spokesman para Saturday din deh kui shae. Bamiyan province tho ekta major tourist jaka ase. Tai para alak sath jun jokom kai shae kui shae. Qani para forign citizen laka nationality tho kwa nai, hoile Spanish Ministry of Foreign Affairs para ekta statement deh, teentha Spaniard, ekta hamla deh muri jai shae kui shae aro kom seh kom ekjun jokom kai shae kui shae. Bamiyan deh taka ekta Taliban official, kun anonymity laka condition deh kotha kuri shae, tai para chartha jokom kah manu tho Spain, Norway, Australia aro Lativa laka foreigners kan ase kui shae. Spanish Prime Minister Pedro Sanches para social media deh, tai tho etu kobor jani nah mun duk deh ase kui shae. Qani para jokom kah manu kan keh sob capital Kabul deh transfer kuri di shae kui shae, treatment karne aro taikan tho stable condition deh ase kui shae.