May 20, 2024: Monday din deh, International Criminal Court laka chief prosecutor para tai, Israeli aro hamas leaders kan karne arrest warrant mangi ase kui shae, tateh Israeli Prime Minister Benjamin Netanyahu b ase.
Karim Khan para tai biwas kureh kui shae, Netanyahu, taila defense minister Yoav Gallant aro teentha Hamas leaders kan war crime aro humanity laka against crimes kura karne responsible ase kui nah.
Monday din deh Israel kan central Gaza deh nutun ekta push panai shae. Taikan, Strip laka north deh taka town kan deh bomb kan girai shae aro U.S laka warning kan taki leh b, taikan laka military operation aro dangor kuri bo kui shae, Rafah deh. Etu kan hua piche deh, Karim Khan laka move tho ahi ase.
Gaza medics para kom seh kom 23 jun muri jai shae kui shae, latest jakara deh. Residents kan para jakara tho ekdum gorom ase ku shae, Palestinian enclave laka north deh. Wadi Al-Salqa aro Al-Karara laka jaka deh b, Israeli tanks kan ekta limited incursion kuri shae. Etu tho ekta central city ase, kuteh Israeli forces kan war laka sath mohina deh ekbar b jah taka nai.
Add Comment