May 20, 2024: Iran laka president Ebrahim aro foreign minister Hossein Amirabdollahian, taijun ekta helicopter crash deh muri jai shae. Crash tho Azerbaijan border laka osor deh taka mountain jaka deh hui shae, state media aro government officials para Monday din deh confirm kuri shae. Raisi aro Amirabdollahian keh chari nah, choitha alak manu kan, taikan laka lives hari shae.
Muhammad Zia-ul-Haq, Pakistan laka President: Muhammad Zia-ul-Haq, tai 17 August 1988 deh muri jai shae, ekta plane crash deh. Tai Islamabad deh jah time deh, control tho taila C-120B Aircraft lokot contact hari jai shae. Plane tho kinaka crash hui jai shae, etu tho itia b najaneh.
Sebastin Pinera, Chile laka President: Sebastian Pinera, kun Chile laka former president ase, tai 74 sal deh muri jai shae, ekta helicopter crash karne. 6 February 2024 deh, taila helicopter, southern Chile laka ekta lake deh crash hui jai shae. Plane deh taka alaka passengers kan sob baji jai shae, tai keh chari nah.
Arvid Lindman, Sweden laka Prime Minister: Arvind Lindman tho Sweden laka former Prime Minister taki shae. Tai 74 sal deh muri jai shae, taila aircraft tho bia weather karne crash hui jah piche deh. Tailla Douglas DC-2 aircraft tho Croydon Airport laka osor taka ghor kan deh crash hui jai shae.
Abdul Salam Arif, Iraq laka President: Abdul Salam Arif, kun Iraq laka second President taki shae, tai 45 sal deh muri jai shae. 1966 deh, tailla Iraqi Air Force aircraft tho malfunctioned hui nah crash hui jai shae.
Rashid Kurami: Lebanon laka Prime Minister: Rashid Karami tho 65 sal deh muri jai shae 1987 deh. Taila Aérospatiale Puma helicopter deh ekta bomb rakhi nah taki shae. Tai Beirut deh jah time deh bomb puti jah tho, tai muri jai shae. Explosion deh khali tai heh muri shae, alak 30 jun tho jokom heh kai shae.
Add Comment