New Delhi, May 22 : Actor Manisha Koirala para recently 10 Downing Street te UK Prime Minister Rishi Sunak ke lok kurisey. Tai tu tailaga desh ‘Nepal’ ke represent kuri thakisey. Kilemaney Nepal tu UK logotey taikhan laga ‘friendship treaty’ laga 100 years hoija tu mania thakisey. Manisha para Instagram te tai PM Rishi Sunak ke lok kora laga picture share kurisey. Aro koisey ki 10 Downing Street te United Kingdom-Nepal laga rishta aro taikhan laga friendship treaty celebrate kuribole nimitey taikey invite kora tu tai nimitey ekta garv laga kotha asey. Tai tu PM Rishi Sunak ke taikhan laga desh Nepal laga barite morom para kotha kuwa tu hunikina bisi khusi paisey. Aro tai para PM Rishi aro tailaga parivar ke Nepal laga Everest Base Camp te trekking kuribole nimitey invite kurisey. Tai para etu meeting attend kora bisibhak manu khan para kinaka tailaga latest release huwa show, ‘Heeramandi’ saikina thakisey etu janikina khusi pa laga bi share kurisey. Acting fale, Manisha tu Sanjay Leela Bhansali laga first web series Heeramandi te Mallika Jaan laga role nimitey tariff pai asey.
Manisha Koirala para UK PM Rishi Sunak ke lok paisey
