May 23, 2024: New Subsidy Policy aro GST Compliance deh, Department Of Industries aro Commerce para ekta one-day seminar organize kuri shae. Etu seminar tho Hotel Saramati, Dimapur deh lui shae, 23rd May 2024 din deh.
Keynote address tho deliver kura time deh, Director, Industries & Commerce, P. Tokugha Sema para 9th March 2024 deh launch kura, Uttar Poorva Transformative Industrialization Scheme (UNNATI, 2024) deh share kuri shae, Tai para etu scheme tho ekta central scheme ase, kuto Ministry of Commerce & Industry laka pitor deh ase. Tai para etu tho India laka northeastern States deh employment opportunities bana bo leh aro industrial growth utha bo karne aim ase kui shae. Taila address deh, tai para government para dia alak alak benefits kan avail kuri bole proactive taka entrepreneurs kan keh identify kuri bole zaruri ase kui shae. Tai para jama kura sob manu keh, opportunities duri bole laka message tho genuine entrepreneurs kan keh spread kuri b kui shae aro eki lokot collaborate kuri b kui shae, UNNATI scheme tho successfully implement kuri bo karne.
Technical session tho Saruav Sahewalla, Chartered Accountant para conduct kuri shae. Tai para UNNATI scheme laka salient features, focus area, eligibility criteria, incentive structures kan highlight kuri shae, kuto investors kan karne available ase.
Technical session piche deh, ekta question and answer session taki shae. Etu session deh, CA Saurav Sahewalla aro Ikheshe Kahoto, Inspector, Department of Industries and Commerce kan panelist taki shae,
Program tho S Rarenbenla, Functional Manager, DIC, Dimapur para chair kuri shae aro Yawelie Noudi, Deputy Director, Industries and Commerce para concluding remarks kan deliver kuri shae.
(DPRO Dimapur)
Add Comment