Headlines • Nagaland

DIPR para public sector communication uthai di shae Skill upgrade training lokot deh

May 24, 2024
14 Views

May 23, 2024: District Public Relations Officers (DPROs), Assistant Public Relations Officers (APROs), aro Information Assistants (IAs) karne, Directorate of Information & Public Relations (DIPR), Kohima para ekta two-day skill gradation training organize kuri shae. Etu two-day skill gradation training tho Directorate of Information & Public Relations, Kohima deh  shuru hui shae 23rd May, 2024 deh.

Additional Director, IPR Kevizayano para, taila opening remarks deh, Department laka officers majo deh improvement lakeh kui nah acknowledge kuri shae. Tai para commitment, dedication aro department deh bhal interpersonal relation lakeh kui nah emphasize kuri shae. 

News Editor aro Regional News unit, Akashvani Kohima, Asonuo, IIS para ‘Media Relations and Work Ethic for public sector’ deh kotha kuri shae, first session time deh. Tai para ethical conduct deh stress kuri shae. Tai para government official kan kun bah principles kan follow kuri bo lakeh kui shae. Tai para trainees kan keh report laka deadline tho mun deh rakhi b kui shae aro taikan job deh committed taki b kui shae.

Deputy Director IPR Hongpi Konyak para participants  kan keh nijor laka identity taki b kui nah encourage kuri shae aro government laka achievements aro policies kan tho highlight kuri b kui shae. Hongpi para taikan keeh, government aro public majo deh bridge ekta taki b kui shae. Tai para senior officers laka hath para team spirit lakeh kui shae ground level workers karne aro public relations officers kan Department laka image daka bole lakeh kui shae.  Tai para officials kan keh reporting laka accuracy deh focus kuri b kui shae.

Training tho participants laka skills aro knowledge upgrade kuri bole aim ase. Etu para taikan keh public tho bhal para serve kuri bole d bo.

Training para public relations, communication strategies laka alak alak aspects kan cover kuri shae. Participants kan kotha kan keh actively participate kuri shae aro taikan laka experiences kan b share kuri shae.

Training program laka successful completion tho DIPR officers laka professionalism aro performance bhal kuri bole expect kuri ase.

(Takumpula Longkumer, IA)