America, 25 May : Friday dey agey par karney Copa America dey kaam kuriboley mahila match officials ke appoint kurishey.
United States laga María Victoria Penso aro Brazil laga Edina Alves toh itu tournament dey referees thakibo.
Tuijun ke bhi assistants Brazil laga Neuza Back, Colombia laga Mary Blanco, Venezuela laga Migdalia Rodríguez, aro U.S laga Brooke Mayo aro Kathryn Nesbitt para support kuribo.
“2016 para luina itu CONMEBOL para lua laha ekta high commitment asey, khilia laga field dey bishi mahila laga professionalization aro development dey bet kurina, alag tournaments dey soccer ke equality logot promote kurina,” itu South American soccer para ekta statement dey kuishey.
Nicaragua laga Tatiana Guzmán ke ekta video review official designate kuri dishey.
101 match officials total Copa América dey kaam kuribo kuntu June 20 para luina United States para host kuri asey.
CONMEBOL-UEFA agreement laga ekta part nishna, Italian referee Maurizio Mariani aro tai laga compatriots Daniele Brindoni aro Alberto Tegoni (assistants) aro Marco Di Bello aro Alejandro Di Paolo (VAR) taikhan bhi South American championship dey kaam kuribo.
Add Comment