Chile para volunteer firefighter keh accuse kuri shae, jui juilai dia karne

May 26, 2024: Saturday din deh ekta Chilean judge para ekta volunteer firefighter aro ekta former forestry official keh detain kuri shae, Valparaiso region deh ekta mammoth forest fire plan aro cuase kura karne. Etu mammoth forest fire para 137 manu keh murai di shae aro 16 hazar manu keh homeless banai di shae. Valparaiso deh taka court para tuita mota tho 180 days karne duri nah rakhi bo pareh kui shae, taikan keh investigate kura time deh. Case laka chief prosecutor, Osvaldo Ossandon para journalist kan keh etu kui shae. Tai para main suspect tho Franciso Mondaca ase kui shae. Tai tho 22 sal laka volunteer firefighter ase, Valparaiso deh. Tai jui tho physically shuru kura karne accused hui nah ase. Osvaldo para Mondaca laka gari deh flares aro fireworks pai shae kui shae. Prosecutors para, Mondaca laka testimony isap deh, ekta economic motive taki shae kui shae. Taikan para etu incident deh aro manu b taki bo pareh kui shae. Valparaiso Fire Department laka commander, Vicente Maggiolo para etu kui shae,” Mukan bishi shock deh ase etu situation karne.” Maggiolo para etu tho ekta isolated incident ase kui shae aro etu tho fire department laka kam deh bia nam ani bole nalageh kui shae. “Mukan, 170 sal karne lives kan bajai nah ahi asem,” tai para TVN keh kui shae.