Hamas para taikan Israeli soldiers keh duri nah ase kui shae

May 26, 2024: Sunday din deh Hamas armed wing karne ekta spokesman para, taikan laka fighters kan northern Gaza laka Jabalia deh fight kura time deh, Israeli soldiers kan keh duri shae kui shae. Israeli military para hoile b etu claim tho deny kuri shae. Hamas armed wing spokesman para taikan kiman soldiers keh duri nah ase, etu tho kwa nai aro proof ekta b dika nai. “Mukan laka fighters kan para Zionist force kan keh tani shae, ekta ambush deh. Zionist forces kan keh sob murai di nah, jokom kuri di nah aro dura piche deh heh fighter kan withdraw kuri shae,” Abu Ubaida para ekta recorded message deh kui shae, kuto Al Jazeera para Sunday din deh broadcast kuri shae. Abu Ubaida tho Al Qassam Birgades karne spokesman ase. Sunday din deh Israeli military para Hamas para claim kura statement tho deny kuri shae. “IDF force kan enaka incident eku hua nai kui nah clarify kuri ase,” military para ekta statement deh kui shae.