Taiwan para China laka military drills keh slam kuri shae

May 26, 2024: China laka two-day military drills kuto Taiwan laka jaka phale hui shae, etu tho “internation order keh ekta blatant provocation” taki shae, Taipei para ekta statement deh kui shae Saturday din deh. Taiwan laka President Lai Ching-te office deh ahi nah teen din piche deh drills tho launch hui shae. Tai utu din deh inauguration speech bana tho China para “independence laka confession” ase kui shae. China, kun Taiwan tho taikan nijor laka jaka ase claim kureh, taikan Lai keh ekta dangerous separatist nishi nah dikae. Friday evening deh, state run military news channel CCTV-7 karne ekta presenter para Chinese army kan successfully operation “Joint Sword-2024A” kotom kuri di shae kui shae. Ekta statemen deh, Lai laka presidential spokesperson Karen Kuo para region deh peace aro stability ensure kura tho international community laka common interest lokot deh related ase kui shae. Self-ruled Taiwan laka hath deh nijor laka democratically elected government, military aro currency ase, hoile Beijing taikan, island keh taikan laka control deh ani bole kitia b force chua tho renounce nakuri bo kui shae.