June 1, 2024: Ekta Brazilian mota, kun United Kingdom deh taka ekta Indian maike keh murai dia karne guilty ase, taike ekta mental hospital deh detention karne sentence kuri di shae. Sentence tho court para announce kuri shae. Mota para tai Hyderabad para aha maike keh murai shae kui nah guilty ase kui shae aro etu heh nahoi nah, taila roommate keh b mura bole koshish kuri shae kui shae Wembley deh.
24 sal laka Kevin Lourenco de Morals para jua sal laka June 13 deh Hyderabad maike Kontham Tejasvini keh hamla kuri shae. Taike murai dia piche deh, Morals para taile girlfriend keh call shae aro taike etu kui shae,” mui Indian maike kan keh murai di shae.” Olop piche deh police para taila phone location data tho track kuri nah taike arrest kuri di shae.
Choi mohina laka trail hua piche deh, Kevin para taik Tejasvini (27) keh murai di shae kui nah guilty pled kuri shae aro taila roommate Akila Janagama (29) keh b mura bole koshish kuri shae kui shae.
Judeg Martin Edmunds para Isleworth Crown Court deh Mental health Act Section 37/41 aro restriction order tho hand down kuri shae, defendant, tai tuita maike keh hamla kura time deh thik taka nai kui nah. Defendant keh Beckenham deh taka bethlem Royal hospital deh patai di shae.
Add Comment