72nd Phom Day Observe Kuriboley Asey, 6th June Tey, Longleng District Tey

June 03, 2024 : Itu 72^nd Phom Day (Peace Day) aru 4^th Triennial Peace Summit toh hoiley observe kuriboley asey, 6^th June 2024 tey, Public Ground tey, Longleng district tey. Dr. Wati Aier Convenor Forum for Naga Reconciliation; Former Principal, Oriental Theological Seminary (OTS); Asia Pacific Ambassador aru Recipient, Baptist World Alliance Peace Award toh hoiley grace kuriboley asey itu occasion tey, tatey special guest buhi kena.

Phom day toh hoiley headhuntung era mark kuriboley asey, itu Phom area tey, aru shanti aru harmony laga shuru kuria lag aitu Phom khan laga bhitor tey.

Alag alag bosti khan laga elder khan, kuntu toh hoiley head dobashi para lead kurishey – Late. Hamnyei aru Late.Yongtau, jama kurishey, Longleng district tey aru itu headhunting practice ke khotom kuriboley decide kurishey, 6^th June, 1952 tey, kotey itu manu khan, itu Phom community para kosom khaishey, shanti para thakiboley aru harmony tey thakiboley.