Chennai, 5 June : Chennaiyin FC para Wednesday dey versatile Brazilian defender Elson Jose Dias Junior, kun ke Elsinho kuina janey, ekta tui saal deal dey sign kurishey kuntu para takke club dey 2026 tak rakhibo.
Elsinho toh Marina Machans karney 2024-25 laga season second signing thakishey, taikhan itu haafta agey dey midfielder Jitendra Singh laga services lua piche dey.
Tai laga versatility aro adaptability karney jaani paina, Elsinho para defence aro midfield tuita dey bhi contribute kuriboley paria tai laga ability dikhaishey, aro club ke tactical flexibility dishey. Tai jaa season Jamshedpur FC set-up laga ekta part thakishey aro taikhan karney 25 matches khilishey.
Elsinho para tai laga professional journey 2014 dey Clube Esportivo Naviraiense logot shuru kurishey. Tai itia tak tai laga career dey 214 matches khilishey, kuntu dey 15 goals aro tuita assists milaishey.
Elsinho para tai laga career bishi pak Mexican club FC Juarez dey spend kurishey, 2017 para 2019 tak taikhan karney 136 appearances kurishey.
Add Comment