June 05, 2024 : Itu Dimapur laga District Administration para local government school khan logotey collaborate kuri kena, ekta programme cum plantation drive organise kurishey, itu National Clean Air Programme (NCAP) under tey, 5th June, 2024 tey.
EAC, Dimapur, Imtijungla Lemtur para itu event tey kotha kuri kena, ekta brief overview share kurishey, itu NCAP laga aru emphasize kurishey, ki, itu plantation drive toh hoiley coincided asey, itu World Environment Day logotey koi kena, aru bhi sapha hawa contribute kuriboley aim kuri kena. Tai para tai laga delight express kurishey, student khan ke involve kuri kena, government school khan para, state kuri kena ki, sob manu khan laga bhi right asey, sapha hawa aru sapha environment karney. Highlight kurishey ki, student khan aru youngster khan toh future asey, koi kena, Lemtur para, tai para encourage kurishey itu bacha khan ke, aru bhi bishi gaas khan plant kuriboley, aru utu khan ke care kuriboley koishey, itu future tey. Tai para itu student khan ke aru teacher khan ke thanks janaishey, tai khan laga contribution khan nimitey, ekta aru bhi sapha Earth aru aru bhi sapha hawa nimitey.
GHSS Lengrijan, GHS Sarbura, GMS Duncan Ao, GPS Phevima Kacharigaon, GPS Industrial Village, GMS Naga New Model Ao, GPS Naga New Model Lotha aru GPS Naga New Model Angami para active para participate kurishey, itu mass plantation drive tey, Dimapur laga alag alag part tey.
Itu toh hoiley note kuriboley lagey ki, itu Ministry of Environment, Forest aru Climate (MoEFCC) para January 2019 tey itu NCAP launch kurishey, tai khan laga aim thaki kena, hawa laga quality improve kuriboley, 131 city khan tey, 24 State khan/ UT khan pura tey.
Add Comment