Pre- Subroto Football Tournament 2024 Shuru Hoishey, Kohima District Tey

June 05, 2024 : Itu Pre- Subroto Football Tournament 2024 laga Inaugural program loishey, Indra Gandhi Stadium tey, 5^th June, 2024 tey.

Tai laga inaugural speech tey, MLA & General Secretary Nagaland Football Association (NFA) Benei M. Lamthiu para koishey itu Department of Youth Resources & Sports aru Nagaland Football Association toh hoiley ekta bhal step loishey, itu state level Pre-Subroto cum Junior Football Tournament organise kuri kena, kuntu toh hoiley ekta bhal platform diboley asey, aru ekta dangor boost kuriboley, itu jawan football players khan ke. 

Benei para itu player khan ke encourage kurishey, sport toh khali ekta hobby nishina ekla loboley nalagey koishey, hoilebi itu toh hoiley future laga career hisap tey loboley lagey koishey. 

Tai para ki, itu Department of Youth Resource para itu Nagaland Football Association logotey collaborate kuri kena, itu state Football League Tournament organise kuriboley asey, itu jawan talent khan ke identify kuriboley.  Aru bhi bishi effort khan toh hoiley dhaliboley asey, itu football laga standard ke develop kuriboley, itu state tey. 

Itu Pre-Subroto cum Junior Football Tournament 2024 toh hoiley 5^th June para 12^th June, 2024 tak thakiboley asey koishey, Kohima laga IG Stadium tey aru itu toh hoiley 13 district ke feature kuriboley asey, itu Under 15 chukra aru Under 17 chukri khan laga category tey compete kuriboley, pura puri 468 player khan thaki kena aru itu pura state khan laga official khan.