June 6, 2024: World Environment Day laka nam deh, Longleng Forest Division para, NBSE aro World Vision India lokot collaborate kuri nah Longleng laka sob schools kan karne Half Marathon organise kuri shae. Etu event tho “Land restoration, desertification and drought resilience” laka theme deh organise kuri shae, 5th june 2024 din deh.
Taila speech deh, Divisional Forest Officer, Longleng, Tokugha Chophy para jama kura manu kan keh, World Environment Day laka history aro significance deh kotha kuri shae. Tai para students kan ekta role kile kui shae, general public kan keh etu laka awareness tho janai di bole dangor. Tai para ghas kan kile plant kuri bole zaruri ase, etu deh kotha kuri shae aro aji khali manu kan bishi, hazar nishi nah ghas kan plant kuri shae kui hoile b sah tho nasai kui shae. Etu karne tai para manu kano olop huile b gas kan plant kura tho bhal ase kui shae aro sabo b lakeh kui shae. Tai, wildlife laka preservation aro conservation deh b kotha kuri shae.
Marathon karne Prize distribution tho Chepe-ü Koza, Forest Range Officer, Longleng Division para kuri shae. Mota section deh, Good Sheperd School laka Katlong Phom para first position tho secure kuri shae. St Joseph School laka Monglong Phom para 2nd position tho jiti shae aro St Joseph School laka Phaushei Phom, tai 3rd place tho jti shae. Miake laka category deh, St joseph School laka Yemten Phom, tai 1st position tho jti shae. Good Shepherd School laka Layen para 2nd palce tho jiti shae aro St Joseph School laka Lipah phom, tai 3rd position tho jiti shae.
( DPRO Longleng)
Add Comment