June 9, 2024: North Korea kan border laka par deh ekso nishi nah latera pitor deh taka ballons kan aro patai shae, Seoul laka military para Sunday din deh kui shae. Etu latest mamla tho puila laka Saturday din deh shuru hui shae. Itia takt ho Pyongyang para 330 nishi nah latera taka ballons kan South deh patai shae, Seoul laka military para kui shae.
“Itia tak tho, 80 nishi nah ballons kan, mukan laka jaka deh giri jai shae aro itia tho eku b identify kuri nah nai,” Joint Chiefs of Staff para ekta statement deh kui shae. “Mukan laka analysis para, etu latera laka pitor deh eku harmful substance kan nai, kui nah dikai shae,” taikan kui shae. Taikan para latest balloon laka batch deh waste paper aro plastic kan heh taki shae kui shae.
Seoul city government aro Gyeonggi province laka officials kan ekta text alert patai nah ase, resident kan keh. Taikan keh ballons lokot deh hoshirar taki b kui nah. “North Korea kan aro ektra low-class provocation banai ase, mukan laka civilians lah against latera ballons kan patai nah,: Seoul Mayor Oh Se-hoon para ekta Facebook post deh liki shae.
Add Comment