June 9, 2024: Russia laka President Vladimir Putin para Ukraine deh jiti bole sure kuri bo karne, nuclear weapons kan nalageh kui shae, Reuters para report kuri shae. St Petersburg international Economic Forum laka plenary session deh, Putin keh, Russia kan Ukraine laka upor deh ekta nuclear pistol duri bole lageh nah nai hudi shae. Hoile b Putin para kun bah situation ahi bop reh kuteh Russia kan nuclear weapons chula bole lagi jabo kui shae.
“Chua tho possible ase, exceptional cases kan deh. Country laka sovereignty aro territorial integrity deh threat ahi shae koile tho. Mui laka papna deh enaka nishi case tho aha nai. Chub oleh nalageh,” Putin para kui shae.
“Aro mukan chua leh b nalageh. Kile koile mukan laka armed forces kan khali experience heh hai nakuri nah, taikan laka effectiveness b uthai di ase,” Russia laka leader para kui shae.
Add Comment