June 9k, 2024: Rohan Bopanna lokot deh kahli ekta mohina heh baji nah ase, taila Fench Open semi-final run aro aha tournaments majo deh – Olympics tho tuita Grand Slam majo deh basi nah ase. Former para ekta partner keh choose kuri shae _ N Sriram Balaji, kun tai, French Open third round deh face kuri shae aro All Indian Tennis Association (AITA) keh convey kuri shae, etu hapta deh. Hoile b, tai federation karne rukhi ase, taila choice tho second kuri bole. ITC para taikan laka Paris Games cut-off ranking list release kura piche deh, AITA tho ekta selection committee call kuri bole set ase.
“Mui AITA laka hath para email bap oleh itia b rukhi ase, muila partner tho kun ase, etu confirm kuri bole. Mui taikan lokot deh kotha kuri shae aro taikan para, taikan tho ITC karne rukhi ase kui shae, rankings tho confirm kuri bole. Etu piche deh taikan, mukan keh kubo,: Bopanna para Saturday din deh kui shae.
10 top doubles player taka karne, world no4 tho taila patner choose kuri bole pari bo. Hoile b AITA etu laka against jab oleh napareh pareh. Etu tho 2016 Rio Olympics laka deh case taka nai. Enaka time deh 10th ranked Bopanna para Saketh Myeni keh choose kuri shae, tai lokot pair kuri bole, hoile b tai keh, Leander Paes lokot pair up kuri bo di shae.
Add Comment