Iga Swiatek, third consecutive French Open title jiti shae

June 9, 2024: Iga Swiatek, taila third consecutive French Open championship jiti shae, Jamine Paolini keh 6-2, 6-1 deh harai nah, Saturday din laka final deh. Top seeded Swiatek tho 2-1 pichae deh taki shae hoile b next 10 games tho jiti nah, opening set tho jiti shae aro second deh 5-0 upor jai shae. Roland Garros deh tai, taila winner streak tho 21 tak uthai di shae aro utu jaka deh taila career record tho itia 35-2 ase.

Poland para aha 23 sal laka Swiatek tho first maike ase, teentha consecutive trophies jiti bole, since Justine Henin. Swiatek, tai 202 deh French Open b jiti shae, 2022 deh U.S open b jiti shae. Aro itia tho 5-0 ase, major finals deh.

12^th seeded Paolini tho first time karne Slam final deh ahi shae. Tai, sobse zaruri tennis tournaments kan deh ekbar b second round laka par jah taka nai. January mohina deh Australian Open deh heh tai fourth round tak jabo pari shae. Paolini, tai Sunday din deh, French Open women laka doubles final kili bole ase, partner Sara Errani lokot deh. Taikan 2023 U.S Open singles champion Coco Gauff aro Katerina Siniakova laka against kili bole ase.