June 9, 2024: Magnus Carlson, tai Friday rati deh Norway Chess 2024 tournament jiti shae, Fabiano Caruanna keh harai di nah. Duo tho Armageddon format deh 52 moves kili shae, Caruanna para towel tho napila time deh. Taikan laka classical game tho, 25 moves piche deh draw deh olai jai shae, ekta three fold repetition lokot deh.
Carlson laka victory tho Praggnanandhaa para confirm kuri shae, kun World no. 2 Hikaru Nakamura keh, ekta draw deh duri shae, classical portion deh. Praggnanandhha tai Nakurama keh taila second defeat dib oleh Armageddon deh wapas ahi shae.
Caruanna laka against jiti nah, Carlson tho kun bah time karne rukhi bole laki shae, tai title tho jiti shae nah nai confirm kuri boke. Kile koile Nakamura aro 18 sal laka Indian tho itia b kili taki shae. Friday laka Round 10 games deh jah time deh, Carlson tho 16 points lokot deh, standings tho lead kuri taki shae, hoile b Nakamura aro Pragg lokot deh b title tho jiti bole chance tho taki shae. Classical section deh Magnus hari jai nah, Nakumura laka against jiti shae koile tho, tai jiti bo taka ase. Alak side deh, Pragnanandhha, tai classical event deh jiti nah, Carlson tho hari shae koile tho, game tho ekta tie break deh hobo taka ase, kuteh Pragg aro Carlen tho title karne kili bo taka.
Add Comment