Atp, 11 June : India laga Sumit Nagal, Monday dey issue kuria latest ATP rankings dey ekta career-best 77th tak 18 places uthishey, Paris Olympics mota laga singles draw dey ekta spot luishey. Nagal logot 713 ATP points asey. Tai laga rankings dey itu improvement toh Nagal para Neckarcup 2024 Challenger event dey mota laga singles crown lua karney huishey, Heilbronn, Germany dey Sunday, Switzerland laga Alexander Ritschard ke ekta three-set thriller dey haraishey. Itu Indian final dey 6-1 6(5)-7 6-3 jitishey kuntu two gondha aro 22 minutes lamba thakishey. Rankings, Monday dey, itu Games laga entries karney faisla kuriboley basis thakibo.
Establish kurina thakia criteria hisab dey, top 56 khilasi, mota aro mahila laga rankings tuita dey bhi, Olympics karney automatic qualification attain kuribo huilewi ekta desh dey para Games karney four logot bishi nathakibo lagey, ekta rule kuntu para lower ranked khiladi khan ke draw pitor dey ahiwoley dey.
Nagal toh itu draw dey last available ranking-enabled spot secure kuriboley bhaal dikhi asey. Jaa par India laga khiladi Olympics main draw dey thakia toh 2012 Games dey thakishey kitia Somdev Devvarman toh wildcard karney ghusishey.
Itu 26-saal Nagal toh Paris dey itu mota laga singles event dey ekela Indian thakibo. International Tennis Federation para national federations kw June 12 tak qualified athletes laga janai diwo, kuntu piche dey National Olympic Committees para June 18 tak dey taikhan laga entries confirm kurubo.
Itu toh Nagal karney sixth ATP Challenger title thakishey aro itu saal agey dey home soil dey thakia Chennai Open crown piche dey saal laga second thakishey.
Nagal, kun itia best-ranked Indian singles khiladi asey, 2023 para kuina four ATP Challenger titles jitishey aro Heilbronn dey jitia toh tai laga fourth title thakishey clay tennis courts dey.
November 24, 2024
World's First and Only Nagamese Newspaper
Add Comment