PM Modi WW1 laga 100th Anniversary nemite Indian sepai ke hisab janaise

NEW DELHI, NOVEMBER 11 : 1^st World War (WW1) laga 100^th Anniversary nemite International Community kan ekta hisab dekhaidiya aro janaidiya manai kena thakise. Etu Prime Minister Narendra Modi pora bi Indian Sepai kan Britain desh nemite chakara kurikena thaka kan ke ekta hisab dekhaidiya janaide kena thakise koise.

Etu din te Twitter te kotha lekhe batai kena PM Modi pora ami kan desh laga sepai kan etu WW1 te larai hua time te chakara kura toh ekdam dukh pora kurise. Aro etu chakara kura toh sob shant anedebole karne kura laga ase koi kena janaide thakise. Tai bi aji eneka laga din 100^th sal hua laga naam te ami kan desh shant nemite anedebole kotha janai ase. Aro etu ke tai ami kan desh manu kan sob husa kebi duniya sob nemite shant aro aram aro sob eke pora mela-mele kurikena thakibole hisabte mani ase koi kena janaise.