June 16, 2024: Israeli army para taikan southern Gaza deh fight kuri taki bo kui shae aro “tactical pause for humanitarian purpose”, kuto taikan announce kuri shae, etu tho khali humanitarian aid transport deh heh apply kureh kui shae. Alak kobor deh Israel Defense Minister Yoav Gallant keh humanitarian purpose karne ekta tactical pause hui ase kui nah janai dia nai kui shae aro tai para taila approval b dia nai kui shae, Israel Army Radio laka isap deh. Pause tho hotai din taki bo, 8am para 7 pm tak aro etu tho corridor deh travel kura humanitarian aid transport keh heh apply kuri bo. Military laka isap deh tactical pause taki leh b Israeli laka military operation tho chalu taki bo kui shae. N12 news para Prime Minister Benjamin Netanyahu keh b kobor tho janai dia nai kui shae. Etu kobor jani nah Israel laka far-right security minister, Itamar Ben-Gvir para Israeli military laka plan keh slam kuri shae. Ekta X post deh, Ben-Gvir para decision tho delusional ase kui shae, especially tostha Israeli soldiers muri jah piche deh.
Israel-Hamas war: Israeli army para ‘tactical pause’ taki leh b fight kuri taki bo kui shae
