TNT NEWS | SHILLONG, November 11, 2018: East Jaintia Hills police khan pora etia activists Agnes Kharshiing aro Amita Sangma uporte hamlaa kura manu duita logote chan bin kuri ase .Etu dui jun laga naam toh Elphon Dkhar aro Meklison Siangshai, ke thurishe tai khan etu hamlaa te involved thaka nimete aro tai khan logote kotha khan kuri ase dusra khan kun kun thakishe etu hamlaa te janibole nimete .police khan kun pora etu case loishe kile etu victims khan condition te thakanai fir file kuribole nimete .Etia khan evidence khan bisari ase ekta strong case bonabole nimete etu hamlaa kura manu khan uporte .Etu maiki khan uporte hamlaa kura toh thik nai koikena Meghalaya Home Minister, James PK Sangma koishe sorkar khan pora action lobole etu humlaa te kun kun thakishe etu khan uporte.”Ami khan etu manu khan ke insaaf te anidibo”’Sangma pora media manu khan ke koishe tai NEIGRIHMS te jaa time etu CSWO president, Agnes Kharshiing aro tai logote thaka manu laga condition kinika ase janibole nimete . Poipynhun Majaw, Jaintia Hills laga press group laga leader kun ke etu sal march moina te muraidishe etu manu khan ke thuribole kile eman diri loi ase sawal utha time Sangma koishe etu case khan toh time loi janibole nimete kun kun etu case te involved ase koikena .”Ami khan etu chamela te chan bin kuri ase etu te kun kun ase etu khan ke punished kuribole nimete aro kun kun thakanai etu khan ke eni mesa misi chan bin kuribole namatibole nimete. Meghalaya Home Minister koikena janaishe .
RTI activist hamlaa te police khan chan bin kuri ase
Add Comment