June 18, 2024: Pakistan laka Sindh province deh taka ekta landlord aro taila pastha servants keh arrest kuri di shae, camel laka theng kati dia karne. Etu incident tho camel, taika field deh aha piche deh hui shae. Manu kan jani jah tho top political leaders laka attention tani di shae, kun kan itia janwar karne ekta prosthetic theng arrange kuri ase.
Rustum Shar aro taila servants kan para janwar laka right theng keh kati dia piche deh ekta video post kuri shae, kuteh tau camel laka kati dia theng tho duri taki shae. Etu inciden ttho Sanghar district laka Mun Jamrao bosti deh hui shae, jua hapta deh.
Video tho social media deh viral hui jai shae aro animal organization aro public kan government keh demand kuri taki shae, landlord laka against action lubo leh. Camel laka malik, peasant Soomar Behan para etu mamla tho police deh ana nai. Hoile b etu mamla tho jana piche deh authorities kan nijor taike contact kuri shae.
“Camel tho direct Comprehensive Disaster Response Service animal shelter deh lui aji shae aro camel karne Dubai para ekta prosthetic theng order kuri nah ase,” Secretary Livestock Kasim jato para kui shae.
Sindh government kan treatment laka cost tho cover kuri bole committed ase aro Pakistan People’s Party Chairman Bilawal Bhutto Zardari para ekta prosthetic theng arrange kuri ase, secretary para kui shae.
