June 19, 2024: Wednesday din deh Philippine military para Chinese coast guard kan crash kuri nah Filipino navy boats board kuri shae kui shae aro taikan laka guns kan seize kuri shae kui shae. Taikan para etu incident tho etu hapta hui shae kui shae, South China sea deh aro ekta Filipino sailor, tai lah thumb hari shae kui shae jamala ola tho.
Incident, kuto Second Thomas Shoal deh hui shae, etu tho sobse nutun confrontation ase, Chinese aro Philippine ships mamla deh. Aji khali Beijing kan taikan laka claims uthai dia shuru kuri ase, South China Sea tho taikan laka jaka ase kui nah.
“Chinese Coast Guard personnel kan mukan laka RHIBS (rigid-hulled inflatable boast) deh illegally board kuri shae,” Rear Admiral Alfonso Torres para reporters kan keh kui shae. “Taikan kun bah guns kan lui shae,” Torres para kui shae. Tai para firearms kan tho boats deh store kuri nah taki shae kui shae Aro taikan keh taikan laka weapons kan tho display nakuri b kui nah order di nah taki shae kui shae. Piche deh Chinese coast guard kan jani jani kan Filipino boats kan tho puncture kuri shae kui shae tai para.
{Philippine military chief General Romeo Brawner para Chinese boarders kan tho swords, spears aro knives lokot deh armed taki shae kui shae. “ Chinese coast guard kan bolos, spears aro knives kan dura tho mukan first time diki shae. Mukan laka troops lokot deh enaka ekta b taka nai,:” Brawner para reporter kan keh kui shae.
