FC Barcelona para India dey taikhan laga sob Football Academies bondh kurisheh

India, 19 June : World-renowned football club FC Barcelona para India dey taikhan laga sob academies bondh kuriboley faisla kurishey, operations shuru kurina 14 saal piche dey, desh laga bacha khan ke taikhan laga famed ‘La Masia (youth academy)’ style dey train kuriboley aim logot.
FC Barcelona para itu closure karney eku official karaan dianai. Delhi NCR, Mumbai, Bengaluru and Pune laga Indian sheher khan dey sob itu academies toh July 1 para shuru kurina bondh hui jawo.
Lionel Messi, Andres Iniesta, Sergio Busquets aro Gerard Pique nishna Football legends khan, Barca Academy dey training lua piche dey taikhan laga superstardom paishey.
Itu statement dey, FC Barcelona para sob khantan ke jaa saal khan dey itu project dey bisas kuria karney gratitude janai dishey, sob coaches, local staff, aro Conscient Football ke bhi milaina, club laga India partner kun itu saal khan dey Barca academies project dey collaborate kurishey.
Barca Academy India toh India dey sobse dangor grassroots football training aro development initiative thakishey.
Itu venture laga ekta part nishna, itu para Delhi, Gurugram, Noida, Mumbai, Bengaluru, aro Pune dey multiple football training centres khulishey, programs, camps, leagues, tournaments, aro exposure trips organise kurishey.
Barca Academy toh flagship FC Barcelona school asey kuntu 4 para 17 saal umar laga maiki mota ke target kurey aro itu laha main objective toh taikhan laga students ke comprehensive training environment diwoley asey.