Regan Smith para Olympic Berth seal kurishey

US, 19 June : Itu world record toh Regan Smith karney five saal pawoley lagishey.
Tai laga first race dey ekta close-but-no-Olympics call para wapis bounce kurina,
Smith para Tuesday raati dey U.S. swimming trials dey mahila laga 100-meter backstroke dey world record set kurishey.
Itu 22-saal Minnesota native 57.13 seconds dey touch kurisheh, aasani para ek saal agey dey Australia laga Kaylee McKeown para set kuria 57.33 laga mark par kurishey.
Smith toh 2019 world championships dey 100 back dey agey par ekta world record set kuria time dey khali 17 saal thakishey. Huilewi tai ajanak, newfound fame logot deal kuriboley dukh paishey, McKeown dey event dey dominance cede kurishey.
Smith laga talent upar dey kitia bhi eku doubt thakianai, huilewi confidence komti thakia toh bishi par crippling thakishey.

Tai October para luina ekta sports psychologist logot kaam kuri asey, kuntu para mental standpoint para luina bhaal huwoleh motut kurishey. Tai laga coach, Bob Bowman, 23-time gold medalist Michael Phelps logot kaam kuria karney bhaal para janina, ekta grueling training regimen logot physical side laga dhyan rakhishey.
Kitia tai ekbar jeet paishey, top dey wapis uthiwoley dukh thakishey. Tai Tokyo Olympics karney U.S. team dey ghusibo parishey, huilewi backstroke dey third paishey kitia McKeown para gold luishey.
Tai laga confidence kiman grow huishey itu dikhaina, Smith emphatically wapis bounce kurishey, 100 butterfly dey U.S. team dey ekta spot karney edge huina, kutey tai Gretchen Walsh aro Torri Huske laga piche third khotom huishey.
Smith para itu trials laga second world record set kurishey, 100 fly dey semifinals dey Walsh laga mark piche dey.
Katharine Berkoff para U.S. karney expect kuria nishna 57.91 laga time logot second Olympic spot luishey.