Lahore, 20 June : Jail dey thakia former Pakistan prime minister Imran Khan laga political adviser toh reports hisab dey aanjan manu para Lahore dey kidnap kurishey, Punjab province laga capital, aji ekta media report laga hisab dey.
Ghulam Shabbir, kun Pakistan Tehreek-e-Insaf leader Shahbaz Gill laga dangor bhai asey, tui din agey dey aanjan manu khan para kidnap kurishey kitia tai Islamabad dey jai thakishey, ekta FIR hisab dey kuntu Kahna police station dey register kurisheh, Pakistan laga Express Tribune newspaper report kurishey.
Itu FIR, tai laga mota bacha Bilal para register kuria, kuisheh ki Shabbir toh Lahore dey tai laga residence Khayaban-e-Amin raati dey charina ulaisheh aro Islamabad taraf jaishey. Agey eku details painai.
Imran Khan toh jaa saal August para luina jail dey asey, April 2022 dey tai laga ouster homoi luina tai upar dey 200 cases nishna kurina taike convict kuria piche dey.
May 2022 dey, former cricketer-turned-politician para Islamabad dey Lahore para ekta march launch kurishey, Shehbaz Sharif laga coalition government girai diwoley, kuntu no confidence laga ekta vote premier kuria piche dey tai power dey ahishey.
May 14, 2026
World's First and Only Nagamese Newspaper
