San Francisco, 20 June : Ilya Sutskever, AI company OpenAI laga co-founders maju dey ekta, Safe Superintelligence Inc (SSI) kuina ekta notun firm launch kurishey, ChatGPT maker ke charina khali ek mahina piche dey.
Sutskever, Jan Leike logot milaina, kun para OpenAI laga ‘Superalignment’ team co-lead kheisheh, itu saal May dey Sam Altman-run company charishey, OpenAI dey leadership logot ekta fall-out piche dey.
Leike itia rival AI company Anthropic dey ekta team head kuri asey, kutey tech giants Google aro Amazon para investments panaishey.
X social media platform dey ekta post dey, Sutskever para kuishey “SSI toh muikhan lagamission, name, aro entire product roadmap asey, kiley kuiley itu toh muikhan laga sole focus asey.
Itu company para duniya laga sobse bhaal engineers aro researchers laga ekta lean, cracked team hire kuri asey kun alag charina SSI dey focus kuriboley dedicated asey.
November 23, 2024
World's First and Only Nagamese Newspaper
Add Comment