Trump pora WW1 memorial cancel korise

Agencies, 11 November: Saturday din France jaga deh commemoration thaga time deh President Donald Trump toh thakibole para nai. Etu din toh World War One time deh U.S. soldiers aro marines mora khan nemide memorial thaga laga ase. Memorial time deh Trump ahhibole napara toh weather thek nathaga karni ase koikena White House pora janaise. Last minute time deh cancel kora karni kumbah Britain aro United States laga official pora social media deh kelaaf kori kena kowah toh, Trump pora U.S. servicemen deh respect koranai. Aisne-Marne American Cemetery, Belleau laga deh ceremony thaga time deh president toh tai laga maike Melania logode thakibole thaga ase. Hoilebe pani keri thaga karni aro akash thek nathaga karni tai laga helicopter pora ahhibole paranai.