Fuzhou, 11 November: Sunday din world champion Kento Momota pora badminton’s Fuzhou China Open jetise.FJapan’s world number one toh Taiwan’s Chou Tien Chen logode 21-13, 11-21, 21-16 pora jeta thakise aro tai jun laga khel toh 66 minutes deh kothom howah thakise. Chou logode jeta bechide 24-sal Momota toh court laga floor deh kera thakise aro tai homai kena aram kora thakise. Etu sal Momota toh ektum gorom jeti kena ase. Tai World Championships, Asia Championships aro World Tour laga jarta events deh jeti kena ase. October moina Denmark Open final time deh Momota toh Chou logode haraideya thaise. Etu time deh tai tinta game deh jeta thakise. Momota toh Japanese team pora pahar howah karni 2016 Rio Olympics laga deh thakibole paranai. Aro tai illegal casino jaga deh jaa karni ek-sal ban howah thakise. Tai aji kali Hong Kong Open deh khelibole kori ase. Opening match time deh Momota toh China laga purana number one Lin Dan logode khilibole ase.
Add Comment