Vladimir Putin laka ‘bye bye’ kuto sathi Kim Jong Un keh di shae

June 23, 2024: Russian President Vladimir Putin para taila sathi aro North Korea counterpart Kim Jong Un keh goodbye wave kura diki shae, taila state visit tho kotom kura piche deh. Ekta video para Putin, plane pitor deh goodbye wave kura tho capture kuri shae aro etu video tho social media kan deh viral hui jai shae. BRICS News X handle para video tho share kuri nah etu kui shae,” Russian President Putin para taila sathi, North Korean laka Kim Jung un keh goodbye wave kuri shae. Video deh Putin taila tuita hath b join kura tho dikai shae, kuto tuita countries majo deh ‘kara ties’ tho signify kureh. Visit para viral clips kan bishi produce kuri shae aro etu clips kan para dunia laka suku tani shae. Alak ekta video deh, Kim Jong Un, Putin keh invite kuri taki shae, designated gari laka pitor deh buhi bole. “President Vladimir Putin para North Korea laka Kim Jong Un lokot deh drive kuri shae, nutun Aurus Russian luxury gari deh,” BRICS news X handle para liki shae.