Paris Olympics-bound Sreeja Akula para Chinese khiladi Ding Yijie ke final dey 4-1 haraina ekta WTT Contender Singles title jitishey aro agey Indian paddler huishey kun history panaishey.
WR 38 Akula toh rising Chinese younger laga khilaf 10-12 laga scoreline logot agey kehl haarishey huilewi agey four khel 11-9, 11-6, 11-8 aro 11-6 kurina jeet luishey.
WTT Contender singles title jitia dey tai agey Indian paddler ekela hua nahoina, tai contenders tournament laga finals pahujiwoley bhi agey Indian paddler huishey, compatriot Sutirtha Mukherjee laga khilaf ekta closely fought encounter (3-2) dey jitia piche dey, Saturday dey.
Akula aro Archana Kamath bhi itu tournament dey ekta impressive run top off kurishey ekta dominant 3-0 (11-9, 11-6, 12-10) jeet logot, compatriots Diya Chitale aro Yashaswini Ghorpade laga khilaf, Sunday dey mahila laga doubles title jitiwoley.
India para mota laga doubles gold medal bhi luishey kitia Harmeet Desai aro Manav Thakkar laga duo para Azeez Solanke aro Olajide Omotayo ke 3-0 (11-811-9, 11-8) giraishey.
Mahila laga singles final dey, Akula toh Chinese rival laga khilaf 10-12 haarina ekta jittery shuruwat thakishey huilewi tai wapis ahina abia four khel 11-9 11-6 11-8 11-6 jitina gold luishey.
November 5, 2024
World's First and Only Nagamese Newspaper
Add Comment