June 26, 2024: Russia kan July mohina deh, North Korea lokot deh direct passenger rail service resume kuri bo, char sal laka hiatus piche deh, news agency Interfax para Wednesday din deh kui shae. Russian far eastern region, Primorsky laka governor, oleg Kozhemyako keh cite kuri nah Interfax para trains tho Vladivostok para North Korea port, Rason tak pol abo kui shae.
“Vladivostok deh board kuri nah, manu kan direct DPRK deh ahi bo aro tateh laka beauty, nature aro culture keh enjoy kuri bo. Taikan laka customs aro traditions b jani bole pari bo,” agency para Kozhemyako keh cite kuri nah kui shae.
Russia kan Ukraine laka upor deh full scale invasion launch kura piche deh, Russia kan Aisa aro Africa laka side deh jah shuru hui shae, economic, security aro diplomatic ties pabo leh karne. Jua hapta, Russia laka Vladimir Putin, North Korea keh visit kuri shae. Visit kuri nah, Moscow ari Pyongyang laka ties tho kara kuri di shae aro ekta bilateral deal b sign kuri di shae.
Add Comment