June 26, 2024: “Sensitive” Prince William aro Prince Harry majo deh dangor jamala ase aro etu jamala para taike bishi affect kuri di shae. Aro ekta royal expert para ekta key reason taki shae kui shae, kuto para utu ties tho kati bole asani kuri di shae.
Ekbar b alak kuri bo napareh dada, bai tho ekdum namila hui jai shae aro wapas ahibo kwa tho nahubo nishi nah he lakeh. Prince Harry aro Meghan Markle, taijun, Royal Family para olai jah piche deh, taikan laka upsos tho, taikan laka infamous Oprah interview deh air kuri di shae. Etu kan public deh ola jah piche deh, Prince William aro Harry laka relationship aro bia hui jai shae.
Royal expert Ingrid Seward para Mirror Uk keh etu kui shae,” William tho sensitive ase, tao structure kushi pai aro tai lokot deh mun dangor ase. Tai give up nakureh. Tai laka dada lokot taka relationship para taike bishi upsos kuri nah ase aro tai etu tho admit kuri bo napareh. Hoile b tai hotai kushi napai nah bua bhal tho ties heh kati dia heh asani ase kui nah pai shae.”
“Taila baba cancer pai shae aro Kate, tai ekta serious abdominal operation lui shae. Piche deh Kate para tai b cancer treatment lubo lakeh kui shae. William, tai laka bacha karne ama aro baba b hobo laki jai shae aro enaka time deh taila royal duties b kuri taki shae. Taila duk para taike ekta kara manu banai di shae. Diana hope kura nishi nah tai utu manu tho hui jai shae. Kind, manu karne papna kura aro ki ahae, sob kuri bo para manu,” Seward para kui shae.
Add Comment