July 01, 2024: Tuensang District tey Stop Diarrhoea Campaign launch kurishey, itu ‘Stop Diarrhoea Through Hygiene aru ORS’ laga Slogan opor tey, Tuensang laga ADC – Thungchanbemo Tungoe logotey, tatey Guest of Honour thakishey, 1st July, 2024 tey, District Hospital Conference Hall, Tuensang tey.
Tuensang laga ADC – Thungchanbemo Tungoe para itu programme tey kutha kuri kena, itu Health worker khan ke urge kurishey, especially itu ASHA aru Anganwadi Workers khan ke, dedication para kaam kuriboley karney, awareness campaign banaboley, itu hath bhal para dhulaboley aru sapha khawa laga pani khan laga importance opor tey, itu bacha khan nimitey, monsoon tey, kotey alag alag disease (bimar) khan toh ulai thaki kena asey.
Tungoe para state kurishey ki, itu science aru technology laga duniya tey, elimination nahoilebi Diarrhoea laga komti kuria laga toh hoiley easy asey, judi moi khan husiyar thakishey koiley. Tai para itu bhi koishey ki, District Administration toh hoiley hudai ready asey koishey, assist kuriboley, itu health worker khan ke, kitya kitya hoilebi lagishey koiley aru itu worker khan ke urger kurishey, awareness banaboley karney, aru ORS aru Zinc Tablet khan bhi distribute kuriboley karney, sob bacha khan ke, especially itu rural area khan tey, itu District tey.
Dr. Imti Jungshi Aier DPO (RCH/UIP), Tuensang para keynote address toh hoiley deliver kurishey, aru vote of thanks toh hoiley Dr. Tochi, Sr. Specialist District Hospital, Tuensang para deliver kurishey.
Add Comment