Uttar Pradesh, 2 July : Tuesday dey Uttar Pradesh laga Hathras dey ekta religious gathering dey ektq stampede hua piche dey 80 jun logot bishi jaan jaishey. Muria khan maju dey bishi mahila aro bacha khan thakishey. Itu muria khan ke Hathras aro neighbouring Etah district laga hospitals dey lui jaishey. Kitia Hathras district magistrate Ashish para tai laga district dey 60 jun manu laga maut confirm kurishey ki, Etah laga officials para kuishey ki tatey laga hospitals para 27 maut report kurishey. Itu ghatna piche dey media ke khota kuina, ekta senior police officer, Rajesh Kumar Singh, kuishey ki itu stampede toh ekta religious event dey huishey kuntu Hathras district laga ekta bosti dey hui thakishey. Itu stampede toh overcrowding karney huina thakibo parey, alag police officer kuishey. Itu religious event toh Hathras dey thakishey. Kitia itu event khotom huishey, ekta stampede shuru huishey, kuntu karoney 80 manu logot bishi jaan jaishey, mahila aro bacha khan milaina. Itu satsang toh Manav Mangal Milan Sadbhavna Samagam Committee para organize kurishey.
Uttar Pradesh laga Hathras dey stampede dey 80 upar murishey
