London, 4 July : Bodhana Sivanandan, ekta nine-saal Indian-origin schoolgirl para chess history panawoley asey kitia tai sob sports dey England ke internationally represent kuriboley sobse jawaan manu select kurishey.
Bodhana, north-west London dey Harrow para, England mahila laga Team ke Chess Olympiad dey join kuribo Budapest, Hungary dey, September dey. Tai laga team dey alag khan sob taikhan laga 20s, 30s nahuiley 40s dey asey.
Malcolm Pein, England chess team laga manager, itu schoolgirl ke sobse remarkable British chess prodigies maju dey ekta kuina describe kurishey.
Tai laga baba, Siva Sivanandan, kuishey ki
najaney tai laga maiki bacha kot para itu talent paishey.
Bodhana para pandemic lockdown homoi agey chess uthaishey kitia Siva laga saathi toh India dey wapis jai thakishey aro taike kunwa bags dishey kitey ekta chess board thakishey.
Jaa December, Sivanandan para Zagreb, Croatia dey European Blitz Chess Championship jitishey aro, itu time dey “super talented” kuina dub kurishey.
Itu piche dey, tai jawaan chess enthusiasts laga ekta part thakishey kun ke British Prime Minister Rishi Sunak para itu khel karney 10 Downing Street dey government laga major notun GBP 1 million investment package mark kuriboley invite kurishey.
Add Comment